Кара-Сууда секелек кызга сексуалдык ыдык көрсөттү деген шек менен 30 жаштагы киши кармалды. Ош облустук ички иштер башкармалыгынын маалыматына караганда, 11-июлда райондун тургуну милицияга кайрылып, алты жаштагы кызына сексуалдык ыдык көрсөтүлгөнүн маалымдаган. Бул факт Кылмыш кодексинин 165-беренеси «Ыплас аракеттерди жасоо» боюнча бирдиктүү реестрге катталып, сотко чейинки тергөө башталды.
Милициянын ыкчам аракетинин натыйжасында бул ишке шек саналып, Ош шаарынын 30 жаштагы тургуну кармалды. Ал убактылуу камоочу жайга киргизилди. Шектүүнүн айыбы толугу менен далилденип, иш сотко жөнөтүлдү.
Милициянын маалыматына караганда, шектүү жаран 2017-жылы маңзатты мыйзамсыз сактаганы үчүн эки жылга кесилген. (ZKo)