22-февралда түнкүсүн Кыргызстандын аймагында жаан-чачын жаабайт. Күндүз Жалал-Абад облусунун тоо этектеринде жаан, кар жана тоолуу райондорунда кар жаайт, өрөөндөрүндө жаан-чачын жаабайт. Чүй, Талас облустарынын кээ бир райондорунда жаан, тоо этектеринде жаан, кар, тоолуу райондорунда кар жаайт. Ош облусунун тоолуу райондорунда кар жаайт, дыйканчылык аймактарында жаан-чачын жаабайт. Ысык-Көл, Нарын облустарында жаан-чачын жаабайт. Тоолуу райондордо жолдор тоңголок жана тайгак болот. Батыш тараптан соккон шамалдын ылдамдыгы секундасына 4-9 метрден, тоолуу райондордо жана Ысык-Көл акваториясында 15-20 метрге жетет.
Абанын температурасы:
Чүйдө түнкүсүн -1…+4, күндүз 12…17;
Таласта түнкүсүн -2…+3, күндүз 9…14;
Баткенде, Ошто, Жалал-Абадда түнкүсүн -2…+3, күндүз 11…16;
Ысык-Көлдө түнкүсүн -3…-8, күндүз 3…8;
Нарында түнкүсүн -17…-22, күндүз -2…-7;
Бийик тоолуу райондордо түнкүсүн -16…-21, күндүз -2…-7 градус болот.
Бишкекте жаан-чачын жаабайт. Абанын температурасы түнкүсүн 1…3, күндүз 15...17 градус болот.
