Литва "Амазон" америкалык интернет-дүкөнүн орок менен балка сыяктуу бир катар мурдагы СССРдин эн белгилери тартылган кийимдерди сатууну токтотууга чакырды. Вильнюстун пикиринде мындай белгилер Советтер Союзунун куугунтуктоосуна кабылган курмандыктардын беделине шек келтирүүдө.
"Амазон" компаниясынын негиздөөчүсү Жефф Безоско жолдогон ачык катында, "Биздин планетада зомбулук жайылып жатат. Ошол себептен эч ким, ал тургай "күлкүлүү" деп саналган символдорго дагы көңүл кош мамиледе болбошубуз керек" - деп жазды Литванын мурдагы президенти Витаутас Ландсбергис.
Ал Советтер Союзу ыдырап жаткан маалда өлкөнүн башында турган.
Литванын тышкы иштер министри Линас Линкявичюс дагы экс-президенттин катын колдоп, дипломаттар дагы "Амазондон" советтик эн белгилери бар кийим-кечелерди сатыктан алууну суранышканын билдирди.
Ландсбергистин каты Молотов-Риббентроп пактынын 80-жылдыгын утурлай жолдонду. Ал пактка ылайык, Германия менен Советтер Союзу Борбордук жана Чыгыш Европаны өз ара бөлүшүп алууну макулдашкан.