Британия мурдагы орусиялык тыңчы, Солсбериде ууландырылган Сергей Скрипал менен анын кызы Юлияга аты-жөндөрүн өзгөртүп, АКШда жашай турган программа сунуштоону караштырып жатат. Бул тууралуу Sunday Times басылмасы өз булактарына таянып жазды. Гезит Британиянын атайын кызматтары бул маселени АКШнын Борбордук чалгын кызматы менен талкуулаганын кабарлады. Британиянын Тышкы иштер министрлиги аталган маалымат боюнча үн ката элек. Орусиялык мурдагы чалгын офицери Сергей Скрипал менен анын кызы Юлиянын... Читать дальше...
Кошмо Штаттардын президенти Доналд Трамп Сириядагы ыктымал химиялык чабуул үчүн Орусиянын лидери Владимир Путиндин жеке өзүн, Орусияны жана Иранды айыптады. Ал Дума шаарында ондогон адамдын, анын ичинде аялдардын жана балдардын өмүрүн алган 7-апрелде болгон ыктымал химиялык кол салууну "акылга сыйгыс химиялык чабуул" деп атады. Ал өзүнүн "Твиттердеги" баракчасына "Орусия менен Иран Айбан Асадды колдогондору үчүн жоопкер. Алар бул үчүн кымбат кун төлөшөт" -деп жазды. Сириядагы оппозициячыл... Читать дальше...
Венгриянын Улуттук шайлоо комиссиясынын маалыматына ылайык, түшкү саат үчкө чейин жарандардын 53,6% добуш берди. Бул 2002-жылдагы парламенттик шайлоодон берки эң жогорку көрсөткүч катары бааланууда. 8-апрелде Будапешттеги айрым шайлоо бекеттеринде эл узун кезекке туруп калышканы маалымдалды. Оппозиция лидерлери элдин активдүү катышуусу жеңишти камсыздайт деп ишенип жатышат. Сурамжылоолорго караганда, премьер-министр, ашынган оңчул Виктор Орбандын ФИДЕШ партиясы 50 пайыздан ашуун добуш алат деп күтүлүүдө. Читать дальше...
Немис тергөөчүлөр Мюнстер шаарында болгон кандуу окуяны иликтеп жатышат. Алар "49 жаштагы киши эмне себептен машине менен элди тебелеп кеткен?" деген суроого жооп издешүүдө. 7-апрелде Мюнстерде жүк ташыган автоунаа көчө кафесинде отургандарды тебелеп кеткен. Үч киши өлүп, отуздан ашууну жараат алган. Алты адам оор абалда ооруканага жаткырылган. Кол салган айдоочу өз жанын кыйган. Бүгүн прокурор Мартин Ботзенхардт "азырынча бул кылмыштын артында кимдер турганын айтуу эрте экенин" билдирди. Прокурор... Читать дальше...
Крымда электр поезд менен кичи автобус кагылышып, беш киши өмүрү менен кош айтышты. Бул тууралуу Орусия аннексиялап алган жарым аралдын Ички иштер министрлиги кабарлады. Кырсык 8-апрелде Армянск шаарында болду. Үч адам ооруканага жеткирилгени маалымдалды. Алдын ала маалыматтарга караганда, поезд өз жолунан чыккан эмес. Кырсыкка автобустун айдоочусу күнөөлүү болушу мүмкүн экени болжолдонуп жатат. Кырсык болгон жерде ыкчам штаб түзүлүп, куткаруучулар иштеп жатышат. Украинага караштуу Крым аймагын Орусия 2014-жылдын мартында аннексиялап алган.
Эр эңиш — кыргыз элинин байыркы улуттук оюндарынын бири. Анда эрэндер ат үстүндө кармашат. Бул бүгүнкү күндө дагы актуалдуулугун жоготпой келет. Эр эңиш республикалык "Манас оюндары" спартакиадасынын программасына киргизилген.
Кыргызстанда мотокросс боюнча Шериктештик кубогу өттү. Жарышка Кыргызстандан, Казакстандан, Өзбекстандан жана Россиядан келген 100дөй спортчу катышты. Түрдүү жаш курактагылар мотоциклдин күчүн сынап. ат салышты.
Сириянын Дума шаарында химиялык курал колдонулганы тууралуу тараган кабардан улам БУУнун Коопсуздук кеңешинин кезексиз шашылыш жыйын өткөрөт. Аны Франция сунуштап, АКШ, Британия баштаган сегиз өлкө колдоду. 7-8 апрель күндөрү "Сириянын Дума шаарында тартылды" деп Интернетке чыккан видеолордо ондогон кишилер, алардын арасында аялдар жана балдар ооздорунан көбүк агып, көздөрү аңтарылып жатканын көрүүгө болот. Сириядагы адам укуктарына байкоо жүргүзгөн, Британияда жайгашкан обсерватория уулуу газы бар... Читать дальше...
Өзбекстандын Мамлекеттик коопсуздук кызматына караштуу Чек ара кошуундары мекемеси кыргыз-өзбек чек арасында киши өмүрү кыйылган окуяга түшүндүрмө берди. Анда Кыргызстандын жараны "чек ара тилкесин бузуп, Өзбекстандын аймагына киргени, жоокердин эскертүүсүнө, абага ок атылганына да маани бербегени, андан соң Кыргызстандын аймагына качып өткөнү" айтылат. Бул тууралуу жергиликтүү басылмаларга таянып, "Азаттыктын" өзбек кызматы кабарлады. Кабарларга караганда, эки өлкөнүн тийиштүү кызматтары окуянын чоо-жайын чогуу иликтеп жатышат. Читать дальше...
Америка Кошмо Штаттары Сириянын өкмөттүк күчтөрү химиялык куралды "өтө коркунучтуу" түрдө колдонгону тууралуу кабарга дыкат көңүл бурууда. Бул тууралуу 7-апрелде Мамлекеттик департаменттин басма сөз катчысы Хизер Ноэрт тараткан баяндамада айтылат. "Режимди колдоп келатканына байланыштуу миңдеген сириялыктарга аёосуз химиялык курал колдонулганы үчүн Орусия да жооптуу. Сирия өкмөтүн абадан коргоп келаткан Орусия Бириккен улуттар уюмунун алдында кепилдик алган милдеттерди бузду" деп белгиленет баяндамада. Читать дальше...
Мамлекеттик ишмер Абдыганы Эркебаев Улуттук коопсуздук боюнча мамлекеттик комитеттин мурдагы жетекчиси Абдил Сегизбаевдин саясий жоопкерчилигин кароо үчүн атайын комиссия түзүү керектигин айтты. Мындай пикирин "Азаттык" радиосуна билдирди: - "Белизгейт" окуясы боюнча убагында убада берген. "Мен жоопкерчиликти тартам" деген. Ал аткарылбады, иштин дайыны жок. Бир топ кишилер саясий өңүттө камалып кетти. Алардын сүйлөгөнү, жаздырылган аудиолордун чын-төгүнүн, Конституцияга канчалык туура келээрин аныктоо керек. Читать дальше...
Бүгүн христиандар Пасха майрамын белгилеп жатышат. Бул күн сыйынуулар, ырым-жырымдар менен коштолот.
Президент Сооронбай Жээнбеков 9-апрелде Түркияга расмий сапар менен барат. Андан ары Европа Биримдигинин институттарына жумушчу сапар жасайт. Президенттик аппараттын басма сөз кызматы билдиргендей, мамлекет башчынын Түркияга сапары эки күнгө пландалган. Ал жакта президент Режеп Тайып Эрдоган жана өкмөт башчы Биналы Йылдырым менен жолугуп, сүйлөшүүлөрдү өткөрөт. Анкара өзүнө душман санаган Фетхуллах Гүлендин кыргыз-түрк лицейлерине тиешеси бар экени айтылып, Кыргызстандын мурдагы бийлиги менен... Читать дальше...
Алты жылдык тыныгуудан соң Өзбекстан Тажикстанга газ бере баштады. "Узбекистон-24" телеканалы кабарлагандай, Музрабат-Дүйшөмбү газ кууру аркылуу учурда бир районду толук камсыздоого жетчү көгүлтүр от жеткирилүүдө. Берилген газдын көлөмү жакын арада көбөйөт. Аталган куурдун кубаты саатына 25 кубметрге барабар. Газ жеткирүү боюнча Ташкент менен Дүйшөмбүнүн ортосундагы келишимге быйыл мартта, өзбек президенти Тажикстанга мамлекеттик сапар менен барганда кол коюлган. Эки мамлекеттин ортосундагы газ куурлары 2012-жылы үзүлгөн болчу. Читать дальше...
Орусиялык мушкер Хабиб Нурмагомедов UFC 223 турниринде чемпион болду. Ал америкалык Эла Яквинтаны утту. Таймаш 7-апрелде Нью-Йоркто өттү. Нурмагомедов спорттук карьерасында 26 беттеш өткөрүп, баарын жеңген. Атаандашы Яквинта 13 беттеш өткөргөн, төрт жолу утулуп, бир ирет тең чыккан. 29 жаштагы Хабиб Нурмагомедов UFC уюмунун рейтингинде Тони Фергюсондон кийин экинчи орунда турат. Буга чейин экөө күч сынашаары айтылган. Бирок америкалык спортчу бутунан жараат алып, таймаш болбой калган. Быйыл январда Нурмагомедов Бишкекке келип... Читать дальше...
Дүйнөдөгү эң чоң круиздик кеме. Дөңгөлөк болуп чимирилчү робот-жөргөмүш. Дүйнөдөгү эң күлүк трактор. Айрандын балдарга пайдасы аныкталды.
Тажикстанда төрөлүп, Өзбекстанда билим алып, азыр Кыргызстанда жашап жаткан Рахмат Турдуев Орто Азия адабияты менен маданиятын өз жашоосунда тапкан түбөлүк дөөлөтү катары баалап, андагы улуу ойлорду кийинки муунга мурас калтырууга жан үрөгөн инсан. Кыргыз, өзбек, тажик, перс акындарынын ырларын жатка билген Рахмат карыя эл арасындагы таланттарды издеп, чыгармаларын элге жайылтууга да куштар. “Азаттык” Рахмат Турдуев жашаган Сокулук районундагы Жаңы-Пахта айылына барып, ой дүйнөсүн тасмага түшүрдү.
Венгрияда бүгүн парламенттик шайлоо өтүп жатат. Бул шайлоо премьер-министр Виктор Орбандын туруму канчалык бекемдигин сынай турганы айтылган. Алдын ала сурамжылоолорго ылайык, башкаруучу ФИДЕС улуттук партиясы шайлоочулардын 50% көп добушун алат деп болжолдонууда. Эгер партия утуп чыкса, анын лидери, мигранттарга каршы катаал саясат жүргүзгөн 54 жаштагы Орбан үчүнчү мөөнөткө премьерлик кызматта калат. Шайлоого беш саясий партия жана кыймылдар да катышууда. Беш пайыздык чектен өткөндөр парламентке кирет. Читать дальше...
Косоводо башкаруучу партиянын 11 мүчөсүнө коррупцияга байланыштуу айып тагылды. Расмий маалыматтарга караганда, Косово демократиялык партиясынын бул мүчөлөрү партияга катышы бар кишилерди гана мамлекеттик кызматка дайындашкан. Расмий билдирүү 6-апрелде жарыяланды. Бул айыптоолорго 2011-жылы Европа Биримдигинин EULEX деп аталган миссиясынын алкагында жазып алынган сүйлөшүүлөр негиз болгон. Европа Биримдиги Косово өкмөтү тамырлап кеткен коррупция жана уюшма кылмыштуулук менен алгылыктуу күрөшпөй жатканын сындап келет. Читать дальше...
Косоводо башкаруучу партиянын 11 мүчөсүнө коррупцияга байланыштуу айып тагылды. Расмий маалыматтарга караганда, Косово демократиялык партиясынын бул мүчөлөрү партияга катышы бар кишилерди гана мамлекеттик кызматка дайындашкан. Расмий билдирүү 6-апрелде жарыяланды. Бул айыптоолорго 2011-жылы Европа Биримдигинин EULEX деп аталган миссиясынын алкагында жазып алынган сүйлөшүүлөр негиз болгон. Европа Биримдиги Косово өкмөтү тамырлап кеткен коррупция жана уюшма кылмыштуулук менен алгылыктуу күрөшпөй жатканын сындап келет. Читать дальше...
Жогорку Кеңештин төрагасы Дастанбек Жумабеков Жалал-Абад облусунда өзбекстандык чек арачы аткан октон набыт болгон адамдын үй-бүлөсүнө материалдык жардам көрсөтөт. Бул тууралуу парламенттин басма сөз кызматы билдирди. Бирок жардам түрү кандай болоору жана качан берилээри тууралуу маалымат айтыла элек. Аксы районунун Курулуш айылынын 34 жаштагы тургуну 7-апрелде өзбек чек арачылары аткан октон жарадар болуп, Кербен шаарындагы ооруканада көз жумган. Буга байланыштуу Бишкек Ташкентке нота жиберген. Читать дальше...
