Мамдепартаменттин өкүлү маалымдагандай, 3-апрелде өтчү жолугушууда «Орусиянын бардык коркунучтары», анын ичинде Украинага жана Грузияга карата баскынчы аракеттеринен тартып, АКШдагы президенттик шайлоого кийлигишүүсүнө чейин талкууга алынмакчы.
НАТОго кирген өлкөлөрдүн тышкы иштер министрлери Вашингтонго уюмдун 70 жылдыгын белгилөө максатында топтолушууда.
НАТОнун баш катчысы Йенс Столтенберг менен 2-апрелдеги сүйлөшүүдө АКШнын президенти Дональд Трамп «НАТО үчүн аз акча бөлүнүп жатат» деп сындады.
Шаршембиде жолугушуу болордон мурун альянстын баш катчысы Конгрессте сүйлөйт.
Тышкы иштер министрлеринин жолугушуусу Вашингтондогу мындан 70 жыл мурун, 1949-жылы президент Гарри Трумэн Түндүк Атлантикалык уюмду түзүү боюнча келишимге кол койгон 12 өлкөнүн өкүлдөрүн кабыл алган залга чогулушат.
4-апрелде министрлер Мамдепартаментте Орусияны талкуулашат. Мындан тышкары Кара деңизде альянсты күчтөндүрүү маселелерин карашат.