Орусияда аймак башчыларын шайлоо бийликтеги "Бирдиктүү Орусия" партиясы регионалдык парламенттердеги үстөмдүгүнөн кол жууп баштаганын көргөздү. Кээ бир облус губернаторлору экинчи айлампада гана белгилүү болушу мүмкүн. Карама-каршылыктуу пенсия реформасы жарыялангандан бери бул – биринчи элдик добуш берүү. Шайлоо күнү айрым шаарларда пенсия жашын көтөрүүгө каршы митингдер өттү.
