Президент оффшордогу акчаны кайтаруу механизмдерин иштеп чыгууну тапшырды
Анын маалыматында айтылгандай, президент “Террористтик ишти каржылоого жана кылмыштуу кирешелерди мыйзамдаштырууга (адалдоого) каршы аракеттенүү жөнүндө” Кыргыз Республикасынын мыйзамына кол койду. Мыйзамды Жогорку Кенеш 2018-жылдын 28-июнунда кабыл алган.
Мыйзам террорчуларды каржылагандарга жана кылмыштуу кирешени адалдаштыргандарга каршы күрөш үчүн укуктук негиз түзүп берет. Ал коррупциялык кылмыштарга каршы иш жүргүзүү жана оффшордогу акча каражаттарын кайтаруу механизмдерин жаратууга да шарт түзөт.
Мыйзам расмий жарыяланган күндөн тартып он беш күн өткөн соң күчүнө кирет. (ErN)