Өзбекстан Рахимовду издөөдөгүлөрдүн тизмесинен чыгарды

Өзбекстандын башкы прокуратурасы ишкер жана Эл аралык бокс федерациясынын президенти Гафур Рахимовду издөө салынгандардын тизмесинен чыгарды. "Кармалса камакка алынсын" деген чечим да күчүн жоготту.


Тийиштүү токтом 10-июлда кабыл алынганын “Азаттыктын” өзбек кызматына күч түзүмдөрүндөгү булактар ырасташты.


66 жаштагы ишкер 2010-жылы Өзбекстандан чыгып кеткен.


Ошондон соң ага “кылмыштуу кирешени мыйзамдаштырган”, “жалган документ жасаган" деген кинелер боюнча кылмыш иши козголуп, Интерполго издөөгө берилген. Мирзиёев бийликке келгенден аз өтпөй Интерпол Рахимовду издөөнү токтоткон. Бирок ишкерди АКШ алты жылдан бери уюшкан кылмыш тобунун өкүлү катары тааныйт жана кара тизмесинен чыгара элек.