Одесса шаарынын мэри Киев аэропортунда кармалды
Гезитке чыккан маалыматка караганда Труханов - бюджеттик акчаны сарамжалсыз пайдаланууга байланыштуу ачылган иште шектүү катары каралган төрт кишинин бири. Прокуратуранын версиясында алар «Краян» заводдун жеке колдон өтө кымбат сатып алып, Одесса шаарынын бюджетине чыгым тарттырышкан. Ошондой эле жетекчилер жол оңдогонго көп акча жумшашкан.
13-февралда тергөөчүлөр Трухановдун кайда жүргөнүн издеп жатышканын айтышкан. Бир жарым айдан бери мэрдин кайда жүргөнү белгисиз болчу. Одесса шаарынын жетекчилиги мэр тергөөгө катышуу үчүн атайын келгенин белгилейт. Труханов жана Коррупцияга каршы бюро азырынча комментарий бере элек.