«Даму-Көмек» бағдарламасы арқылы мүмкіндігі шектеулі кәсіпкер бизнесін кеңейтуде
ҚЫЗЫЛОРДА. ҚазАқпарат-«Армансыз адам- қанатсыз құспен тең!» -деген ұғым қызылордалық мүмкіндігі шектеулі кәсіпкер Бибайша Юсупованың сүйікті ұстанымы. Бала кезінен мүгедектік қалыпқа түскен Бибайша, балалармен бірге ойнаудың орнына үнемі уақытын ауруханаларда өткізуге мәжбүр болған. Баласының көңілін аулауды ойлаған Бибайша Юсупованың анасы оған тоқыма тоқу мен тігін өнерін, тіпті кілем тоқуды да үйретті. Сол уақытта қамқор ана қызының қызығушылығы,оның бүкіл өмірінің кәсібі болатынын білмеген. Бұл туралы ҚазАқпарат тілшісі «Даму-Көмек» қорына сілтеме жасай отырып хабарлады.