Астанада шатырдан құрылыс материалдары құлап, автокөліктерді зақымдаған
Астанада Talan Towers ғимараты шатырынан құрылыс материалдары жақын маңда тұрған автокөліктерге құлады, деп хабарлайды Tengri Auto.
Желіде жарияланған жазбада зақымданған көліктер бірінің иесі оқиға 5 қазанда сағат 13:40-та болғанын хабарлады. Ол жариялаған кадрлардан Hyundai Mufasa көлігінің шатыры мен алдыңғы әйнегі зақымданғаны көрінеді.
Әйелдің айтуынша, ол көлік құнын толық өндіріп алуға ниетті, өйткені оның пікірінше, көлік қалпына келтіруге жарамайды.
Астана олиция департаменті баспасөз қызметінің мәліметінше, 5 қазанда 102 арнасына Hyundai Mufasa және Chevrolet Tahoe маркалы автокөліктердің зақымданғаны туралы хабарлама түскен.
"Тексеріс барысында екпінді жел салдарынан көпфункционалды кешен шатырынан бағдарланған-жаңқа плита ұшып кетіп, тұрақ аймағына құлап, екі көлікті зақымдағаны анықталды", - деп атап өтті полиция.
Аталған дерек Есіл ауданының полиция басқармасында тіркелді, тексеріс жүргізіліп жатыр.