“XX ғасыр қарақшылары“ фильмінің актері Тадеуш Касьянов өмірден өтті
КСРО-да каратэнің дамуына жол ашқан мамандардың бірі, каскадер әрі актер Тадеуш Касьянов 87жасында қайтыс болды. Миллиондаған көрермен оны аты аңызға айналған "XX ғасыр қарақшылары" боевигіндегі боцман рөлі арқылы жақсы таниды, - деп хабарлайды Tengri Life.
Қаралы хабарды Бүкілресейлік қоян-қолтық ұрыс және дәстүрлі каратэ федерациясының вице-президенті, Халықаралық жекпе-жек өнері одағының вице-президенті Олег Авдыш жеткізді. Оның айтуынша, Касьянов 3 қыркүйектен 4 қыркүйекке қараған түні өмірден өткен.
Кеңестік каратэнің бастауында тұрған тұлға
Тадеуш Касьянов КСРО-да шығыс жекпе-жек өнерінің қалыптасуына үлес қосқан мамандардың бірі болды. 1960-жылдардың аяғында ол Алексей Штурминмен бірге елдегі алғашқы ресми каратэ секциясын ашқан.
Ұзақ жылдар бойы бапкерлік етіп, мыңдаған спортшы дайындады. 10-дан иегері атанып, Ресейдің еңбек сіңірген жаттықтырушысы атағын алды.
Кинодағы ізі
Тадеуш Касьянов өзінің каскадерлік жұмысы мен кинодағы жарқын рөлдері арқылы нағыз аңызға айналды:
"В зоне особого внимания" (1977): Касьянов трюктер мен қоян-қолтық ұрыстардың қоюшысы болды, сонымен қатар, күрделі каскадерлік және ұрыс эпизодтарында актер Михай Волонтирді (прапорщик Волентир) жеке өзі алмастырды.
"Пираты XX века" (1979): Касьяновтың өміріндегі басты әрі ең танымал рөлі. Ол қаймықпас боцман Матвеичтің рөлін сомдап, картинадағы барлық қоян-қолтық төбелестерді өзі қойды. Фильм кеңестік прокаттың абсолют көшбасшысына айналып, КСРО-да шығыс жекпе-жегіне деген қызығушылықтың артуына түрткі болды.
"Не бойся, я с тобой!" (1981): Лев Дуровтың кейіпкері (Сан Саныч) үшін трюктер мен ұрыс хореографиясын қойып, миллиондаған көрерменді жекпе-жек өнерінің күшіне сендірді.
Бүгін Мәскеуде актермен қоштасу рәсімі өтті.