Құрылтайға 5 партия өтті: мандаттар қалай бөлінді?

Орталық сайлау комиссиясы (ОСК) сайлау қорытындысы бойынша Құрылтайға өткен саяси партиялар арасында мандаттардың қалай бөлінгенін мәлімдеді, деп хабарлайды Tengrinews.kz тілшісі.23 тамызда Қазақстанда өткен депутаттар сайлауының қорытындысы бойынша Құрылтайға бес саяси партия өтті. Мандаттар олардың арасында келесідей бөлінді:

"Әділет" партиясы – 110 мандат;
Жалпыұлттық социал-демократиялық партия (ЖСДП) – 8;
"Ауыл" халықтық-демократиялық патриоттық партиясы – 10;
"Ақ жол" Қазақстан демократиялық партиясы – 8;
Respublica партиясы – 9.

Еске сала кетейік, Құрылтай депутаттарының сайлауы жексенбі, 23 тамыз күні сағат 07:00-ден 20:00-ге дейін өтті. Орталық сайлау комиссиясының мәліметінше, сағат 20:00-дегі жағдай бойынша қатысу көрсеткіші 74,19 пайызды құрады.
Барлығы 9 352 151 адам дауыс берді.Құрылтайдағы партиялар арасындағы мандаттардың бөлінісі / ОСК деректері Бұған дейін Қазақстандағы Құрылтай депутаттарының сайлауындағы экзитпол нәтижелері жарияланған болатын.23 тамыз – сайлау күні 2026 жылғы 1 шілдеде елде 15 наурыздағы республикалық референдумда қабылданған жаңа Конституция күшіне енді. Осыдан кейін Мәжіліс пен Сенат жұмысын тоқтатып, ал олардың депутаттары таратылды.
Жаңа Конституция бойынша бірпалаталы Парламент – Құрылтай құрылады. Оның құрамына бес жылға сайланатын 145 депутат кіреді, олар бес жыл мерзімге сайланады.23 тамызда Қазақстанда Құрылтай депутаттарының сайлауы өтті. Алайда елдегі саяси өзгерістер тек жаңа заң шығарушы органды жасақтаумен шектелмейді. Саясаттанушылар Tengrinews.kz тілшісіне сайлаудан кейін Қазақстандағы билік жүйесін қандай қайта құрулар күтіп тұрғанын және келесі кезеңдер қандай болатынын айтып берді.