Кіріспе. Қазіргі жаһандану жағдайында жоғары білім беру жүйесінің негізгі міндеттерінің бірі – кәсіби білімі терең, дүниетанымы кең, рухани құндылықтарды бағалай алатын тұлға қалыптастыру. Бұл міндетті жүзеге асыруда гуманитарлық пәндердің, соның ішінде қазақ әдебиетінің орны ерекше. Қазақ әдебиеті – тек көркем мәтіндер жиынтығы ғана емес, ол ұлттық мәдениетті, тарихи сананы және рухани құндылықтарды сақтап, ұрпақ санасына жеткізетін маңызды құрал. Жоғары білім жүйесінде қазақ әдебиетін оқытудың мәні тек әдеби-теориялық білім берумен шектелмейді. Әдебиет студенттің дүниетанымын қалыптастырады, рухани-адамгершілік құндылықтарды тануына ықпал етеді және ұлттық мәдениетті түсіну деңгейін тереңдетеді. Осы тұрғыдан алғанда, көркем шығармадағы автор образы ерекше маңызға ие. Себебі студент әдеби мәтінді қабылдау...
