Ақтөбе облысында Қытайдың "КМК Мұнай" компаниясы жұмысшыларының жалақыны екі есе көбейтуді талап етіп ереуілдеп жатқанына бесінші күн болды. Олардың талабына компания басшылығы келіспей отыр. Азаттық Қазақстандағы мұнай компанияларында жұмысшылардың наразылыққа жиі шығуының себебін мұнай-газ саласында ұзақ жыл еңбек етіп, басшы қызметтер атқарған Меңдеш Салиховтан сұрады. Мұнай саласының ардагері үкімет пен жергілікті билік шетелдік компанияларға жұмысшылар мүддесін қорғайтын талап қоймайды дейді. Сұхбаттасымыз жергілікті мұнайшыларды жұмыспен қамту, мұнай алаңдарын шетел компанияларына берудің зардабы, саланы басқа мамандық иесінің басқаруы сынды көкейкесті мәселелерді де қозғады.
