Наурыздың 9-ы күні теңгенің долларға шаққандағы құны әлсіреп, ақша айырбастау орындарында 1 АҚШ долларының бағасы 400 теңгеге жуықтады. Қазақстан үкіметі мен Ұлттық банк теңге тұрақтылығын қамтамасыз ету үшін жедел шара қабылдайтыны туралы мәлімдеме жасады. GSB бизнесті талдау орталығының сарапшысы, экономист Мақсат Халық Азаттыққа теңге құнсыздануының салдары, үкімет бағаны бақылау мүмкіндігі, Ұлттық банк қабылдаған шараның пайдасы мен зияны туралы айтып берді.