თურქეთში სათხილამურო კურორტზე გაჩენილი ხანძრის შედეგად 66 ადამიანი დაიღუპა
ხანძარი 12-სართულიანი ხის სასტუმროს რესტორანში დილის სამ საათზე გაჩნდა. სასტუმროში ამ დროს 237 ადამიანი ცხოვრობდა, პანიკაში ჩავარდნილი ადამიანების ნაწილი ფანჯრებიდან გადმოხტომით ცდილობდა თავის შველას. ამის გამო, სულ მცირე, ორი ადამიანი დაიღუპა.
შემთხვევის ადგილზე გაიგზავნა ათობით სახანძრო და 38 სასწრაფო დახმარების მანქანა. სასტუმრო მდებარეობს მთის ფერდობზე, რამაც გაართულა სამაშველო ოპერაციები. მეხანძრეებმა მხოლოდ 10 საათის შემდეგ შეძლეს ხანძრის ჩაქრობა. ხანძრის გამომწვევი მიზეზი ამ დრომდე უცნობია, მთავრობამ მომხდარის გამოძიება ექვს პროკურორს მიანდო.
სასამართლომ სტიქიის ზონაში მუშაობა აუკრძალა სამაუწყებლო მედიას, ამის მიზეზად კი ინციდენტის გამოსაძიებლად მტკიცებულებების შეგროვების უზრუნველყოფა დაასახელა. პრევენციის მიზნით, მოხდა მობინადრეთა ევაკუაცია მეზობლად მდებარე სასტუმროებიდან. ისინი სხვა სასტუმროებში გადაანაწილეს.