ჩეხოსლოვაკიაში 1968 წლის 21 აგვისტოს საბჭოთა და ვარშავის ხელშეკრულების მონაწილე ქვეყნების ჯარების შეჭრის აღსანიშნავად ჩეხეთის მოქალაქეები უკრაინას ურიცხავენ რუსეთთან ომში დახმარების სახით ზუსტად 1968 ($80) ჩეხურ კრონას.
ამის თაობაზე ჩეხეთში უკრაინის საელჩო იტყობინება.
24 თებერვალს უკრაინაში შეჭრის შემდეგ ათასობით ადამიანი დაიხოცა, მილიონობით უკრაინელმა დატოვა სამშობლო და ქვეყანას მილიარდობით დოლარის ზარალი მიადგა. ჩეხეთის მოქალაქეები იყენებენ გადახდის საგანგებო კოდს, რათა გადარიცხონ უკვე არსებულ, უკრაინის საელჩოს მიერ შექმნილ, ანგარიშზე 1968 კრონა.
"შაბათ-კვირასაც ათასობით ადამიანი გვირიცხავს 1968 კრონას, დიდი მადლობა, ჩეხო მეგობრებო!“ წერს საელჩო ტვიტერზე
1968 წლის 21 აგვისტოს საბჭოთა და ვარშავის ხელშეკრულების მონაწილე ქვეყნების ჯარებმა გადაკვეთეს ჩეხოსლოვაკიის, ასევე ამ ბლოკის წევრი ქვეყნის საზღვრები, რათა ჩაეხშოთ „პრაღის გაზაფხულად“ წოდებული რეფორმისტული მოძრაობა.
შემოჭრილი ჯარების მსხვერპლი გახდა ათეულობით მშვიდობიანი მოქალაქე. შემდგომმა ოკუპაციამ აიძულა ათასობით ადამიანი დაეტოვებინა სამშობლო. უცხოეთის ჯარებმა ჩეხოსლოვაკია 1989 წელს, სოციალისტური რეჟიმის დამხობის შემდეგ დატოვეს.
