კრემლი იტყობინება, რომ რუსეთის პრეზიდენტი ვლადიმირ პუტინი თავის ირანელ და თურქ კოლეგებს შეხვდება თეირანში, ე.წ ასტანის ფორმატში სირიის შესახებ მოლაპარაკებისთვის.
კრემლის პრესმდივანმა დმიტრი პესკოვმა განაცხადა ამ კვირაში, რომ პუტინი მოლაპარაკებას გამართავს ირანის პრეზიდენტ იბრაჰიმ რაისისთან და თურქეთის პრეზიდენტ რეჯეპ ტაიპ ერდოანთან. ეს პუტინის მეორე გამგზავრება იქნება უცხოეთში უკრაინაში რუსეთის არმიის შეჭრის შემდეგ.
რუსეთმა, ირანმა და თურქეთმა რამდენიმე მოლაპარაკება გამართეს ყაზახეთის დედაქალაქ ასტანაში. მათი მცდელობა მიმართული იყო სირიაში სამოქალაქო ომის დასრულებისა და ამ ქვეყნის სტაბილიზებისკენ. ირანი და რუსეთი სირიის პრეზიდენტის, ბაშარ ასადის მომხრეები არიან, ხოლო თურქეთი მისი გადაყენებისკენ მოწოდებით გამოდის და ოპოზიციის არმიას უჭერს მხარს.
