რუსეთის იუსტიციის სამინისტრომ ე.წ. უცხოელი აგენტების სიაში შეიყვანა ყოფილი მაგნატი, მიხაილ ხოდორკოვსკი და ჭადრაკში ყოფილი მსოფლიო ჩემპიონი, გარი კასპაროვი.
სამინისტრო ორივეს პრეტენზიას უყენებს, რომ პოლიტიკურად აქტიურობენ და ამ დროს მათ აფინანსებს უკრაინა და აშშ.
კასპაროვმა, რომელიც აშშ-ში ცხოვრობს უკვე ათი წელიწადია, უკრაინაში ომის პასუხისმგებლობა დააკისრა რუსეთის პრეზიდენტს, ვლადიმირ პუტინს. უცხოეთში, ლონდონში მცხოვრები მიხაილ ხოდორკოვსკის ორგანიზაციის მიმართ რუსეთის უწყებებმა არაერთხელ მიმართეს სხვადასხვა ზომას.
ხოდორკოვსკი ერთ-ერთი ყველაზე გავლენიანი ბიზნესმენი იყო რუსეთში 1990-იან წლებში, მაგრამ ხელისუფლებაში ვლადიმირ პუტინის მოსვლის შემდეგ კრემლთან კონფლიქტში ჩაერთო. მან რუსეთის საპატიმროში ათი წელიწადი გაატარა ბრალდების საფუძველზე, რომელსაც ბევრი მიიჩნევს პოლიტიკურ შურისძიებად, რომ მან პოლიტიკურად გამოიწვია პუტინი. „უცხოეთის აგენტების“ სიაში შეყვანილ პირებს ევალებათ გარკვეული მოთხოვნების შესრულება, სხვათა შორის, საფინანსო ანგარიშგება და მათ მიერ გავრცელებული ცნობების მონიშვნა.
