მოსკოვში და რუსეთის სხვა ქალაქებში იმართება ნავალნის მხარდამჭერთა აქციები
მოსკოვში პოლიციამ გადაკეტა მანეჟის მოედანი, სადაც უნდა შეკრებილიყვნენ ნავალნის მომხრეები. შეკრებები იმართება ქალაქის სხვა არეალებში. იტყობინებიან დაკავებების შესახებ.
პეტერბურგში სასახლის მოედანი გადაკეტეს.
საპატიმროში მყოფი ნავალნი უკვე უკვე სამი კვირაა შიმშილობს დამოუკიდებელი სამედიცინო დახმარების მოთხოვნით. მისი მხარდამჭერები ქუჩაში გავიდნენ ციმბირის, ურალის და შორეულ აღმოსავლეთის ქალაქებშიც. ОВД-Инфо- ცნობით დაკავებულების რაოდენობა ამჯერად ნაკლებია, მათი რიცხვი ამ დროისთვის 300-ს აღწევს.
მაგადანში ნავალნის მომხრეთა აქცია პოლიციამ განდევნა. ცნობით, დაკავებულია ორი პირი. კამჩატკის პეტროპავლოვსკში აქცია მოაწყო ქალაქის 40-მდე მცხოვრებმა. პოლიციასა და დემონსტრანტებს შორის ინციდენტი არ მომხდარა, არავინ დაუკავებიათ.