პარტიების დაფინანსების შეწყვეტის შესახებ პროექტი იურიდიულმა კომიტეტმა პირველი მოსმენით მიიღო
იურიდიულ საკითხთა კომიტეტის თავმჯდომარემ და კანონპროექტთა პაკეტის ერთ-ერთმა ინიციატორმა ანრი ოხანაშვილმა სხდომაზე განმარტა, რომ პოლიტიკურ პარტიას საქართველოს მოქალაქეები ანიჭებენ კონკრეტულ მანდატს და დაფინანსების საკითხი წყდება მიღებული ხმების მიხედვით. პარტიების დაფინანსება განისაზღვრება საპარლამენტო არჩევნებში საპარლამენტო არჩევნებში მიღებული ხმების პროპორციულად. პირველ 50 000 მიღებულ ხმაზე განსაზღვრულია 15-15 ლარი, ხოლო თითოეული შემდგომ მიღებული ნამდვილი ხმებისთვის 5-5 ლარი. როგორც ოხანაშვილმა თქვა, ამის მიზანია შედარებით პატარა პარტიების წაახალისება. როგორც ის განმარტავს, პარტიები სახელმწიფო დაფინანსებას იღებენ მიზნობრივად.
ანრი ოხანაშვილი აცხადებს, რომ იმ პირობებში, როდესაც პარტია დემოკრატიულ პოლიტიკურ პროცესს და მთავარ დემოკრატიულ ინსტიტუტს თვისებრივად უპირისპირდება, ამით აწარმოებს პარლამენტის საბოტაჟს. მისი შეფასებით, სახელმწიფო ბიუჯეტიდან მათი დაფინანსების შენარჩუნება ასრულებს კონტპროდუქტიულ როლს.
კომიტეტის თავმჯდომარის თქმით, დეპუტატები იმსჯელებენ ცესკო საით მიმართავს აუთვისებელი თანხას.
ამ დროისთვის მანდატებზე უარის მიზნით პარლამენტს ოფიციალური განცხადებებით მიმართეს „ლეიბორისტული პარტიის", „ევროპული საქართველოს", „სტრატეგია აღმაშენებლის", „ლელოს“ და ენმ - „ძალა ერთობაშია"-ს, „პატრიოტთა ალიანსი“-ს სიებით არჩეულმა დეპუტატებმა.