აკრძალვის მიუხედავად, ყაზახეთში ოპოზიცია აქციებს მართავს
აქციების ორგანიზატორია ორგანიზაცია ყაზახეთის დემოკრატიული არჩევანი, რომლის ლიდერიც, მუხტარ აბლიაზოვი, საფრანგეთში ცხოვრობს. ის ძებნილია ყაზახეთის, რუსეთის და უკრაინის მიერ, 5 მილიარდამდე დოლარის გაფლანგვის ეჭვის საფუძველზე.
ყაზახეთის გენერალურმა პროკურატურამ 20 სექტემბერს მოქალაქეები გააფრთხილა, არ მიეღოთ მონაწილეობა დემონსტრაციაში და განაცხადა, რომ სამართალდამცველები "უკანონო აქციების აღსაკვეთად მკაცრ ზომებს გაატარებენ".
ალმა-ატაში დაფუძნებული უფლებადამცველი ორგანიზაცია, სამოქალაქო ინიციატივების კოალიცია ამბობს, რომ ბოლო ხუთ დღეში ქვეყანაში 50-მდე აქტივისტი დააკავეს და 7-დან 15 დღემდე მიუსაჯეს პატიმრობა, უსანქციო აქციების ორგანიზების ან მათში მონაწილეობის ბრალდებით.