საუდის არაბეთში აშშ სამხედროებს გააგზავნის
ამერიკის შეერთებული შტატების თავდაცვის მინისტრის, მარკ ესპერის განცხადებით, სამეფოს მოთხოვნის საფუძველზე, აშშ-ს პრეზიდენტმა მხარი დაუჭირა ამერიკული ძალების განთავსებას. მინისტრის თქმით, მისია „თავდაცვითი ბუნებისაა“ და იგი მიმართული იქნება საჰაერო და სარაკეტო თავდაცვის გაუმჯობესებისკენ. ესპერიმ არ გამორიცხა, რომ ამ პირველ ნაბიჯებს მომავალში დამატებითი ნაბიჯებიც მოჰყვეს. მისი თქმით, „ვაშინგტონი არ ეძებს კონფლიქტს ირანთან“, თუმცა მზად იქნება ნებისმიერი სიტუაციისთვის.
რეგიონში დაძაბულობა გამწვავდა 14 სექტემბერს საუდის არაბეთში ორ ნავთობტერმინალზე განხორციელებულ თავდასხმის შემდეგ, რომელზეც პასუხისმგებლობა იემენელმა ჰუსიტებმა აიღეს. აშშ-მ თავდასხმაში ირანი დაადანაშაულა, რასაც თეირანმა უსაფუძვლო უწოდა.