შრი-ლანკაში 200-ს გადააჭარბა აფეთქებების მსხვერპლთა რიცხვმა

შრი-ლანკაში 21 აპრილს მომხდარი აფეთქებების მსხვერპლთა რიცხვმა 200-ს გადააჭარბა, დაჭრილია 500-ზე მეტი პირი. აფეთქებები რამდენიმე ადგილას მოხდა, მათ შორის სასტუმროებში და ეკლესიებში, სადაც მორწმუნეები სააღდგომო წირვას ესწრებოდნენ. იუწყებიან, რომ დაკავებულია შვიდი ეჭვმიტანილი. 


ეკლესიებში აფეთქება მოხდა დედაქალაქიდან ჩრდილოეთით, ქალაქ ნეგომბოში - კოლომბოსთან ახლოს, და ქალაქ ბატიკალოაში, რომელიც 250 კილომენტრითაა დაშორებული დედაქალაქს. პოლიციის ცნობით, კიდევ სამი აფეთქება მოხდა ხუთვარსკვლავიან სასტუმროებში.


ძალადობა ყველაზე მასშტაბურია მას შემდეგ, რაც შრი-ლანკაში ათი წლის წინ დასრულდა სისხლიანი სამოქალაქო ომი. ჯერჯერობით პასუხისმგებლობა არავის უკისრია. მსოფლიო ლიდერებმა დაგმეს თავდასხმები.