ავღანეთში აშშ-ის სამშვიდობო ინიციატივის საქმეში წარგზავნილი, ზალმაი ხალილზადი ავღანეთის პრეზიდენტს, აშფარ ღანის და მთავარ აღმასრულებელს, აბდულაჰ აბდულას შეხვდა ქაბულში მას მერე, რაც მას მოლაპარაკება ჰქონდა კატარში თალიბანის ლიდერებთან. 13 ოქტომბერს, ავღანეთში დაბადებულმა მრჩეველმა და ავღანეთში აშშ-ის ყოფილმა ელჩმა, ხალილზადმა, ღანის და აბდულას უამბო ოთხი ქვეყნის მინისტრებთან და მაღალი რანგის დიპლომატებთან შეხვედრის შესახებ. ეს შეხვედრები ნაწილი იყო დიპლომატიური მისიისა, რომლის მიზანია მოლაპარაკების მაგიდასთან თალიბანის დასმა. ქაბულში ბოლო სტუმრობის შემდეგ ხალილზადი არაბთა გაერთიანებულ საამიროებს, პაკისტანს, საუდის არაბეთსა და კატარს ეწვია. 13 ოქტომბერს თალიბანის წარმომადგენელმა, ზაბიჰულაჰ მუჯაჰიდმა განაცხადა, რომ ხალილზადი შეხვდა თალიბანის წარმომადგენლებს 12 ოქტომბერს, კატარის დედაქალაქ დოჰაში, ავღანეთის კონფლიქტის დასრულებაზე სასაუბროდ. მუჯაჰიდის თანახმად, თალიბანის წარმომადგნელებმა ხალილზადეს განუცხადეს, რომ უცხოეთის ჯარების ყოფნა ავღანეთში მშვიდობისთვის დიდ ხელისშემშლელ ფაქტორს წარმოადგენს, და რომ ორივე მხარე შეთანხმდა, განაგრძონ ასეთი შეხვედრები. ავღანეთში აშშ-ის საელჩოს არ გაუკეთებია კომენტარი თალიბანის განცხადების გამო. აშშ-ის სახელმწიფო დეპარტამენტმა განაცხადა, რომ ხალილზადს დაინტერესებული მხარეების ფართო ჯგუფთან ჰქონდა შეხვედრები, რათა გარკვეულიყო, რომელია საუკეთესო საშუალოება ავღანეთის ომის მოლაპარაკების გზით მოგვარებისკენ.
