რუსეთის სახელმწიფო სათათბიროს დეპუტატების ჯგუფი გამოვიდა ინიციატივით, აიკრძალოს ამერიკული პროდუქტების მთელი რიგი აშშ-ის მიერ დაწესებული სანქციების საპასუხოდ. დუმის სპიკერის მოადგილის, ივან მელნიკოვის განცხადებით ეს ასევე გამოიწვევს ეკონომიკური კავშირების შეზღუდვას. კანონპროექტს პარლამენტის ქვედა პალატა მომავალ კვირას განიხილავს, თუმცა ჯერ-ჯერობით უცნობია, გავა თუ არა ის არსებული ფორმით და უჭერს თუ არა მას მხარს კრემლი. ანალიტიკოსები აცხადებენ, რომ კრემლი დროდადრო პარლამენტს იყენებს უცხო ქვეყნებისთის მკაცრი მესიჯების გასაგზავნად, თუმცა ეს ყოველთვის არ გარდაისახება ხოლმე კონკრეტულ მოქმედებებში.
