21 მარტს საქართველოს პარლამენტმა მესამე მოსმენით უყარა კენჭი საქართველოს ახალ კონსტიტუციას. როგორც პარლამენტის საგარეო ურთიერთობათა კომიტეტის თავმჯდომარემ თამარ ხულორდავამ განაცხადა, დღევანდელი კენჭისყრით სრულდება საკონსტიტუციო რეფორმის პროცესი, რომელიც გასული წლის განმავლობაში მიმდინარეობდა. მისი სიტყვებით, საქართველოს ამ კონსტიტუციის მიღებით ექნება „გამართული, ფუნდამენტურ პრინციპებზე მდგარი მთავარი კანონი“.
„ამ საკონსტიტუციო ცვლილებებით ჩვენ ვემშვიდობებით მანკიერ პრაქტიკას, რომლის დროსაც საკანონმდებლო ორგანოში დომინირებდა მხოლოდ ერთი პარტია.ჩვენ ვდგამთ ნაბიჯებს საქართველოს პარლამენტში მეტი წარმომადგენლობისაკენ“.
თამარ ხულორდავას განცხადებით, მიუხედავად იმისა, რომ საქართველო პროპორციულ სისტემაზე სრულად მხოლოდ2020 წლის შემდეგ გადავა, ვენეციის კომისიის თანახმად, განხორციელებული საკონსტიტუციო რეფორმა წინ გადადგმულ ნაბიჯად უნდა შეფასდეს.
