ДаIишан байракхна тIехула гIуда тоьхна дагестанхочунна
Кхелехь бехкевечо кхетийра, байракх тIехь долчу Iаьрбойн йозанан чулацамах а, флаган террорхошца уьйр хиларх а хууш вацара ша, дош делла тIейогIучу заманчохь оцу тайпа низам ца дохон.
"Нацистийн йа экстремистийн атрибутикана, символикана пропаганда ярна" артиклаца гIуда кхачадо цхьа эзар соьма тIера шина эзаре, йа чохь даккха 15 дей-буьйсий.
Федералан кхелахочо Шихгиреев Гюлялис лаххара таIзар кхайкхийна Маллалиевна - эзар сом гIуда.
2015-чу шарахь Шемахь йолчу террорхойн организацех дIакхета гIоьртинчу Дагестанерчу вахархочунна Ибрагимов Зурабана тIехь битина бехк Ростов-ГIаларчу тIеман кхело. Шогачу рожехь йолчу колонехь даккха ворхI шо хан тоьхна цунна.