Пермерчу пачхьалкхан университетехь герзаца динчу тIелатарехь лазийначу 20 стагах исс чолхечу хьолехь ву, яздо Свобода Радионо. Оьрсийчоьнан могушалла Iалашъяран министро Мурашко Михаила "Россия-24" телеканалан эфирехь Iораяьккхинчу информацица, дера чевнаш йолчарна дарба лелор ду Перман кIоштан дарбан цIийнехь. БарххIе а дархочунна амбулаторехь лоьрийн гIо кхачийна, царех шиъ дуьхьал хилла дарбан хIусаме охьавижа.
Оршотан Iуьйранна юридикан факультетанстуденто герз диттинера Перман пачхьалкхан университетан цхьахйолчу корпус чохь. Ялх стаг велира, 24-нна чевнаш йира. ТIелеттачунна а герз кхеттера иза лоцучу заманчохь. Дарбан цIийнехь ву иза. Бехкзуламан гIуллакх долийна хиллачу зуламах.
