Новости за 13.06.2021

Ша Эрмалойчоьне 15 йийсархо дIавелла цо шега къовсамехь йолчу Ломан Карабахехь минанаш йоьхкинчу меттигийн карта дIакхачорна, боху Азербайджано. Шоьтан дийнахь, Мангал-беттан 12-чохь, и информаци бакъйина Эрмалойчоьнан премьер-министран декхарш кхочушдечу Пашинян Николас. Цо бахарехь, барт кхочушбина. Ломан Карабахерчу Агдаман кIоштахь минаш йоьхкина 100 эзар меттиг гойту картано, хаам бина Азербайджанан арахьарчу гIуллакхийн министралло. Гуржийн Iедалхой тоьшаллехь а болуш, Азербайджанан-Гуьржийнчоьнан... Читать дальше...

Къилбаседа Кавказерчу дарбан хIусамашкахь коронавирусах велла дийнахь-буса 23 пациент, цомгуш хилла кхин а 292. Уьнна дуьхьалоечу оперативан штабан терахьашца, Краснодар-махкахь COVID-19 цамнгарх велла 12 стаг. Ставропол-макхаь уьнах кхелхина – 5, Дагестанехь, Адыгейхь – шишша, Кхарачой-Чергазийчохь, ГIалмакхойчохь – цхьацца. Пандеми йолаелчхьана схьа Къилбаседа Кавказехь коронавирусах велла лору официало 10 829 стаг. Массанхьачул дукха ду дараш Краснодар-махкахь, уггаре кIезиг – Нохчийчохь а, Къилбаседа ХIирийчохь а. Читать дальше...

Ставропол-махкарчу Кисловодск гIалин мэр Курбатов Александр некъахьовзаме нисвелла шен скутерца дIасалелачу юкъанна. Операци йина цунна, лоьраша кхераме лору цуьнгара хьал. Кисловодскан мэрна хилла хьовзам бовзийтина Ставропол-мехкан губернатора Владимиров Владимира шен инстаграмехула, "чIогIа вон охьакхетта иза электросамокат тIера", аьлла. Социалан машанашкахула сурт даржийна хилам гойтуш – скутер ю Iуьллуш, цIийш ду некъа тIехь. "Кисловодскан мэраца нисделлачо юха а гойту Оьрсийчохь шалхенаш лелаш хилар. Читать дальше...

Дагестанехь, зударийн зуламах ларбечу хIусамехь, къайлаяьлла хилла Нохчийчуьра яхархо Тарамова Хьалимат лаамза дIайигина ши де даьлча йина хиламна комментари. Мехкан куьйгаллина хетарг довзийтина "Грозный" телеканалехула республикан къоман политикан, арахьарчу зIенийн, зорбанан а, информацин а министра Дудаев Ахьмада. Хиллачунна цо бехкебина зудчунна Кавказера яда аьтто бан гIиртина бакъоларъярхой. "Нохчийчоьнан а, Дагестанан а полицино бертахь, лаккхарчу корматаллица болх бар бахьана долуш, стаг ца вадавайта аьтто баьлла, тешна ду тхо. Читать дальше...