Кавказехь ун даьржина, Кадыровца дов латтадо, мехкан дега орца дехар мерахдаьккхина (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Соловей Валерийн дуьххьара онлайн-лекци https://myofficeonline.ru
"Кавказ.Реалиин" корреспонденто хаьттира Нохчийчуьрчу бахархошка, муха лов цара ша дIакъастаран раж а, пандеми яьржаш а йолуш Iедалша кхерамаша тийсар а.
Скворцов Глеб, "Кавказ.Реалии" Мангал-баттахь деша дуьйладала тарло бераш Къилбаседа ХIирийчохь Бутт кхочуш бу бераш школашка лелачуьра юкъахдевлла. Юьхьанца кIиранна дехьатеттира бIаьстенан каникулаш, цул тIаьхьа, коронавирус сиха дIаер йоцийла кхетча, дистанционан кепе даьккхира дешар. Дагадаийта деза, цхьайолчу регионашкахь шеран хьалхара ши бутт а цIахь баьккхийтира дешархошка – пехийн лазарш, грипп яьржина хиларна. Читать дальше...
Иванова Евгения, Маршо Радио, оьрсийн сервис Калининградехь Iедало цхьана категорина магийна карантинан хьелашкахь алссам гулъяла – хIусамзачу наханна. Уьш меца буьсур бу царна дIасалела дехкахь. «Адамашна – чорпа» проектерчу волонтёраша 10 шо ду къоьллин ор чохь бисинчу наханна юуург йоькъу. Ткъа оцу бахархошна вац хIинца арахь кепек кховдо стагга а – меца буьсур бу когашца рицкъ ца лехахь. Читать дальше...
ГихтIарчу ТепсуркаевгIеран доьзало мехкан куьйгалхочуьнга гIо деха оьшуш дац, шен кертахь йийнарг яа еза аьлла, пачхьалкхан телевизиолнан йоьдучу эфирехь дIахьедина Хьалха-Мартан кIоштан куьйгалхочо. "Кавказский узел" агенталло бина цунах лаьцна хаам. Хьалха-Мартанан кIоштан ГихтIехь ехачу исс доьзалхочун нанас Тепсуркаева Зараа ватсапехула орца дехна хиллера Кадыров Рамзане, доьзална дан амал дац шен, гIо дахьара аьлла. Грозный телеканалан камерашна хьалха хIоттийначу зудчо, шена гечдар дехна... Читать дальше...
158 стаг ву Къилбаседа Кавказерчу регионашкахь коронавирусан ун даьржина хиларца билгалваьккхина яхначу буса. ГIалгIайчоь ю дархой алсамбовларца билгалъяьлла, кхин тIе а 56 вахархочух ун кхетта цигахь. Нохчийчохь хиллачарна тIекхетта 41 стаг. Краснодаран кIоштахь 24, Ставрополан кIоштахь 20, Кхарачойн Чергазийчохь 7, ГIалмакхойчохь а, Дагестанехь а пхиппа ву.
Дуьненаюкъарчу могушалла Iалашъяран организацина (ВОЗ) финансаш латтор сацадар тIедиллина ша шен администрацина аьлла, дIахьедина Iамеркан Цхьанатоьхначу Штатан президенто Трамп Доналда. "Шайн коьртачу декхаршца ларийна яц ВОЗ, цундела жоьпалла ду царна тIахь" аьллера карарчу беттан 14-чохь Трампа. КIайчу цIийнехь дIахьочу брифингехь элира президенто, Вашингтонехь гIуллакх теллина даллалц, Iамерко шина-кхаа баттана ахча далар сацор ду аьлла. Эпидеми чIагIъялар сацийна, нах балар кIезиг хила тарлора аьлла... Читать дальше...
Австри дено-дено мукъайолуш ю коронавирусан карантинах: шинарахь шайн белхаш болийна гIирс бухкучу туьканаша, духкуш ду дIадоь синтарш, зезагаш. ТIебогIучу баттахь схьайоьллур ю, аьлла Iедало, ресторанаш а, салонаш а.
ТIаьххьарчу хаамашца, коронавирусан ун даьлла Нохчийчохь кхин а 15 стагна. Дуьззинчу терахьца 64 вахархо ву цомгуш, хаамбина "Чечня Сегодня" агенталло. 15-нна дарба хилла, лазарх велла 5 вахархо. Лоьраша тергонехь латтош ву 1221 стаг. Могушаллин министро Сулейманов Эльхана бахарехь, эпидемиологин ситуаци телхинчу пачхьалкхашкара юхабирзина нах бу уьш.
Оьрсийчохь коронавирусан уьнах беллаийн терахь 198 хьаладьалла. ТIаьххьарчу буса кхелхина 28 стаг аьлла, хааме даьккхина оперативан штабо. Къаьсттина дукха нах белла Москвахь – 106. Подмосковьехь – 26. Пхиппа велла COVID 19 вирусах Петербургехь а, Башкортостанехь а, Нохчийчохь а.
"Новая" газетан редакторо Муратов Дмитрийс жоп делла Нохчийчоьнан куьйгалхочунна Кадыров Рамзанна, де хьалха "нохчашна дуьхьал гамо" лелорна хьоста бехке а деш, журналистна Милашина Еленина ен кхерамаш тийсарна. Znak.сom интернет-сайтна еллачу комментарехь Муратовс дIахьедина, шаьш зорбане яьккхинчу артиклна реза цахиларх Кадыровс я цуьнан пресс-секретаро шайн редакци шаьш кхета а деш аргументаш яхкийтахь, ша жоп зорбане доккхур ду аьлла. Коьртачу редакторо билгалдаьккхина, "карарчу беттан 30-чу дийне кхаччалц шаьш хьоьжуш ду" аьлла. Читать дальше...
