Зазадоккху-беттан 28-гIа де тезетан де кхайкхийна Оьрсийчохь, Кемерово гIалахь махбаран центрехь цIеялар бахьана долуш адамаш кхалхарна. Официалан болчу хаамца, цигахь велла 64 стаг. Царна юкъахь дуккха а бераш ду. Оьрсийчохь тезетан де кхайкхочу указана тIе куьг таIийна президенто Путин Владимира.
Китайн арахьарчу гIуллакхийн министралло дIахьедар дина шинарин дийнахь, шаьш кхеташ дац Bloomberg агенталло Ким Чен Ын Китайхь ву аьлла бинчу хаамах аьлла. Нагахь цу тайпа керланаш хилахь уьш зорбане дохур ду шаьш, боху министраллан векалша. Хьалхо Къилбаседа Корейн куьйгалхо Ким Чен Ын Китай кхаьчна визитаца аьлла, хаам бинера Bloomberg агенталло, меттигерчу хьасташна тIе а тевжаш. Хьалхо Ким Чен Ын-ан визитах лаьцна хаам бинера Японийн а, Китайн а зорбанан гIирсаша. Билгалдоккхуш ду Къилбаседа... Читать дальше...
Iамеркан низамаш лардон органаша хаам бина оршотан дийнахь, Вашингтонехь а, цунна гонаха а дIатарйинчу тIеман а, талламан а хьукматашка, шайна юкъахь Коьрта Талламан Урхалла (ЦРУ) а йолуш, бандеролаш кхаьчна хиларх лаьцна, чохь лоьлхуьйту коьчаллийн дакъош а долуш. Зен хилла стаг вац. Федералан талламан бюро (ФБР) толлуш ю, и дакъош баккъалла а хилла я бомбанийн декъехь тарйина хилла бохург а, иза динарг мила хила мега бохург а.
Соьлж-ГIалин юккъехь тIекъелдинчу цIенах цIеяьлча кIелхаьрваьккхинера 145 хIусамхо, яздо "Кавказский узело", меттигерчу орцаллан министралла тIе а тевжаш. Нохчийчуьрчу Iедалша дийцарехь, даьгна цIа тодийр долуш ду гергарчу деношкахь. ЦIеялар бахьана толлуш бу говзанчаш.
Кемеровохь "Зимняя вишня" махбаран центрехь кхелхинчарех 41 бер ду, хаам бина гергарчара. Цу берийн цIераш тIехь йолу кехаташ дIаоьхкина бохам хиллачу нехан гергарчара кхоьллинчу штабехь. Верриг а кхелхина 64 стаг. Iуьранна гIалан администрацин гIишлонна хьалха ша-шаха вовшахкхеттачу митинге гулбеллера бахархой. Цара дехара Iедалшка, цIеяларх лаьцна бакъдерг дийцар.
Зазадоккху-беттан 27-чу Iуьйранна, цIе ялар бахьана долуш, 60 сов стаг кхелхинчу Кемеровохь хилла Оьрсийчоьнан президент Путин Владимир. Цо, белларш дагалоцуш, зезегаш дехкина цIе яьлла хиллачу махбаран а а, садаIаран а центран гIишлонна улле. ТIаьхьо Путина кхеташо дIаяьхьна цу гIалахь. Президенто емалдина ледаралла а, жоьпалла доцуш лелар а.
Къилбаседа Корейн куьйгалхо Ким Чен Ын Китай кхаьчна визитаца. Цунах лаьцна хаам бо, Bloomberg агенталло, меттигерчу хьасташна тIе а тевжаш. Цу хьокъехь официалан информаци цкъачунна гучуяьлла яц. Хьалхо Ким Чен Ын-ан визитах лаьцна хаам бинера Японийн а, Китайн а зорбанан гIирсаша. Билгалдоккхуш ду Къилбаседа Корейн лидер Китай цIерпоштаца вахана хилар. Иза дуьххьарлера визит ю Ким Чен Ын-а ша Къилбаседа Корейн куьйгалхо хIоьттичхьана кхеча пачхьалкхе йина йолу. Хьалхо кху баттахь, Ким... Читать дальше...
