"Исламан пачхьалкхана" ахча гулдарна шеко йолуш 7 стаг лаьцна ФСБ-но

ФСБ-н а, Талламан комитетан а белхахоша Нохчийчохь а, ГIалгIайчохь а, Дагестанехь а, Москох а 7 стаг лаьцна, "Исламан пачхьалкх" а, "Джебхат-ан-Нусра" а тобанашна ахча лахьорна шеко йолуш.


РИА Новости агенталло бинчу хаамца, цу операцехь дакъалоцуш хилла Росгвардин эскархой а. Низамаш лардон органаша дийцарехь, цу наха Шема хьажийна 38 миллион сом.


Болчу хамца, ГIура-беттан 10-чу дийнахь лецначу нехан хIусамашка хьовсуш талламхошна карийна дуккха а банкийн картанаш а, Iедалшна гергахь экстремизман чулацам болу литература а, цхьацца кхин долу кехаташ а.


Лецначу нахана дуьхьал долийна бехктакхаман гIуллакх.