Аԥсны аҭҵаарадыррақәа ракадемиа иатәу Аекологиа аинститут аиҳабы Роман Дбар арадио Sputnik аефир аҟны еиҭеиҳәеит дгьылбжьарамшынтә акәуа ҷыдарас иамоу, Ашәҟәы ҟаԥшь изҭагалоу, Аԥсны шаҟа кәуа хкы уԥыло, урҭ реиҩдраашьа атәы.
Аԥсуаа рҟны ирацәоуп аҵас ԥшӡақәа. Урҭ иреиуоуп хшла аиуара абжьаҵара, ма акыкацҳара захьӡу аҵас. Уи зрыбжьарҵози ишымҩаԥыргози атәы еилылкаарц афольклорҭҵааҩ Есма Ҭодуа длыҿцәажәеит Дәрыԥшь ақыҭан инхо Дбар–Ҭаниа Рита.
Аҟәатәи "Аӡыканал" иатәу Ешыра ақыҭан иҟоу аӡцрыҵрыцқьарҭақәа ркомплекс аиҳабы Мирон Чачхалиа арадио Sputnik аефир аҟны арубрика "Раионк аԥсҭазаараҟынтә" аҿы еиҭеиҳәеит акомплекс аусура шеиҿкаау атәы.
Аԥсны Аҭагылазаашьа ҷыдақәа рзы аминистрра адыррақәа рыла, иҳаҩсыз уахыки-ҽнаки рзы Ԥсоу аҳәаа иахысит 128-ҩык ауааԥсыра.
Амҽыша, лаҵара 24 рзы аԥсылманцәа иазгәарҭоит Ураза-баирам - иԥшьоу амза Рамадан аан изҵаз ачгара ахьхыркәшахаз иазку аныҳәа.
Сергеи Дбар ихьӡ зху Аԥсны Аџьынџьтәылатә еибашьра Аҳәынҭқарратә музеи афондқәа реиҳабы Гәыгәыца Џьыкырԥҳа арадио Sputnik Аԥсны аефир аҿы еиҭалҳәеит амузеи аҿы иӡыргоу аԥсуа шәақь аҭоурых.
Ажәытәан, аԥсуаа арахә рыдларц азы аныҳәарақәа мҩаԥыргон. Шықәсык аҟынӡа зхыҵуаз ажәҵыс рӡатәуан, ианхьалак ахш агьама рбаанӡа еиҭаныҳәон. Абарҭ акәамаҵамақәа ртәы ҳзеиҭалҳәеит Лӡаа ақыҭан инхо, 84 шықәса зхыҵуа, иахьагьы арҭ ақьабзқәа ныҟәызго Ашьа Дбарԥҳа–Жьиба.