Новости за 13.05.2020

Аԥсны аԥыза-министр Александр Анқәаб лаҵара 13 рзы имҩаԥигеит ауааԥсыра акоронавирус рацәыхьчаразы акоординациатә штаб алахәылацәа злахәыз аилатәара.

Ииасыз уахыки-ҽнаки рыла акоронавирустә инфекциазы атестқәа ирхысит 58-ҩык. Уаанӡа Гәдоуҭатәи ахәышәтәырҭа иҭашәаз апациентцәа рҭагылазаашьа цәгьам, иахәҭоу атерапиа иахрыжьуеит.

Ахатә наплакы "Асыӡбал" анапхгаҩы Камилла Кәыҵниаԥҳа арадио Sputnik аефир аҟны еиҭалҳәеит адунеи аҟны ачымазара ҿкы иахҟьаны апандемиа раалыҵ аҭыжьраҟны ԥырхагас ианаҭо.

Атест ианахыслак ашьҭахь акоронавирус рымоу ирымаму рзышьақәыргылахар алшоит ҳәа агәаанагара ззыҟоу ауаа Урыстәылантәи аҩныҟа ианаа аҽыԥхьакра арежим аҿы иҟан.

Ахәыҷтәы хәышәтәырҭа аиҳабы Игорь Џьопуа арадио Sputnik Аԥсны аефир аҿы иҳәеит республикатә хәыҷтәы хәышәтәырҭа иаиуз ацхыраара ласы ареанимобиль аибашьра ааилгеижьҭеи ишрымамыз.

Россельхознадзор адыррақәа рыла, Краснодартәи атәылаҿацә ахь инагоуп 2 571 тонна аҵыҵындра Аԥсны, Ҭырқәтәыла, Египет рҟынтә.

Аԥыза-министр Александр Анқәаб ари аԥшьгамҭа дадгылеит, акурсантцәа иргәалаиршәеит алеишәа ақәныҟәара шхымԥадатәиу.

Аԥсны Аҳәынҭқарра иахьаҵанакуа лаҵара 12 рызтәи аҭагылазаашьала акоронавирустә инфекциа змоу жәаҩык ыҟоуп.

Лаҵара 13 рзы Апарламент аҟны иалацәажәан Аԥсны ААР атәылауаҩшәҟә-визатә маҵзура аусура гәазҭоз адепутаттә комиссиа аусура ахыркәшара азҵаара.

Аԥсны раԥхьатәи ахада Владислав Арӡынба изку иреиӷьу абаҟазы аиндаҭлара мҩаԥнагоит Аминистрцәа реилазаараҿы иҟоу Амонументалтә ҟазаразы аҳәынҭқарратә комиссиа. Иреиӷьу аусумҭазы аԥхьахә иартәоит 200 000 мааҭ.

Владислав Арӡынба ихьӡ зху аибашьратә фырхаҵара Ахьӡ-аԥша амузеи аиҳабы Мзиа Беиаԥҳа арадио Sputnik аефир аҿы еиҭалҳәеит Аԥсны раԥхьатәи ахада диижьҭеи 75 шықәса аҵра инамаданы еиҿкаау аусмҩаԥгатә атәы.

Аԥсны Аминистрцәа реилазаара ахәыҷтәы хәышәтәырҭазы иаанахәаз ареанимобиль ахәԥса 9 050 700 мааҭ ыҟоуп.

Адокумент иазԥхьагәанаҭоит Аԥсни Аахыҵ Уаԥстәылеи рҿаԥхьа уаанӡа напы зҵаҩыз аиҩызареи астратегиатә партниорреи рзы аиқәшаҳаҭрақәа рҳәаақәа ирҭагӡаны ареспубликақәа рсоциал-економикатә ҿиаразы Урыстәыла ахыдҵақәа рынагӡара.

Аԥсны Аминистрцәа реилазаара аиҳабы Александр Анқәаб ареспублика аекономикатә ҭагылазаашьа иазкыз аилацәажәара мҩаԥигеит ихаҭыԥуаҩ, аекономика аминистр Кристина Озгани афинансқәа рминистр Владимир Делбеи алархәны.

Тҟәарчал араион ахада инапынҵақәа рынагӡаразы ҿыц иаҭоу Исидор Дочиа арадио Sputnik Аԥсны аефир аҿы еиҭеиҳәеит анапхгараҭараҿы раԥхьатәи ишьаҿақәа ртәы.

Аԥсны Аҩнуҵҟатәи аусқәа рминистр Дмитри Дбар Гал араион Аҩнуҵҟатәи аусқәа рраионтә ҟәша аколлектив дыдирдырит анапхгаҩ ҿыц.

Мшаԥы 24 рзы Аԥсны ахада Иусбарҭа анапхгаҩыс дарҭеит Алхас Кәыҵниа. Лаҵара 12 рзы - уи ихаҭыԥуаҩ.