Иҳаҩсыз аԥсшьарамшқәа рзы Кәтолтәи ачара еиуеиԥшым ацәажәарақәа ахылҵит. Ишәыдаагалоит ҳколумнист Елеонора Коӷониаԥҳа ари аҭагылазаашьазы илымоу агәаанагара.
Аԥснытәи аҳәынҭқарратә университет аҟазара аҟәша аиҳабы, асахьаҭыхҩы Нугзар Логәуа арадио Sputnik аефир аҟны еиҭеиҳәеит сынтәатәи арт-пленер "Ҭагалан аԥшшәхәқәа" алҵшәақәа ртәы.
Аԥсны иҟоу Аладатәи арратә округ аруаа аԥхынтәи рҽазыҟаҵарақәа реихшьаалақәа иаадырԥшуеит урҭ ҩаӡара ҳаракыла ишымҩаԥгаз.
Аполиомиелит чымазара хказы Аԥсны аҭагылазаашьа зеиԥшроу атәы еиҭалҳәеит аҳақьым-апедиатр, Агәабзиарахьчара аминистрра аиммунизациазы аспециалист хада Есма Гәниаԥҳа.
Аекологиазы аҳәынҭқарратә еилакы ахантәаҩы инапынҵақәа назыгӡо Савели Ҷыҭанаа арадио Sputnik Аԥсны аефир аҿы еиҭеиҳәеит ҳтәыла мацараҿы изызҳауа аҵиаақәа рхыԥхьаӡара акырӡа ишырацәоу асоветтә аамҭазы иҭыҵыз Ашәҟәы ҟаԥшь иану аиҳа.
Аҩадатәи Ешыра ақыҭа иахьаҵанакуа амҩатә машәыр ҟалеит ҳәа Аԥсны АҶА ахь адырра ҟалеит асааҭ 15:23 рзы аԥшьаша, жьҭаара 24 рзы.
Апассаџьыртә дәыӷба аҵла ақәҳаит Гагра араион Цандрыԥшь ақыҭа азааигәара жьҭаара 24 асааҭ 8:30 рзы.
Аполиомиелит чымазара хказы Аԥсны аҭагылазаашьа зеиԥшроу, иабанӡашәарҭоу иара уи аҿкы ауаҩы изы? Абри атәы арадио Sputnik Аԥсны астудиаҿы еиҭалҳәеит аҳақьым-апедиатр, Агәабзиарахьчара аминистрра аиммунизациазы аспециалист хада Есма Гәниаԥҳа.
Аԥсны Аминистрцәа Реилазаара аилатәараан, жьҭаара 23 рзы Аԥсны Акультуреи аҭоурых-культуратә ҭынха ахьчареи рминистр инапынҵақәа назыгӡо Ельвира Арсалиаԥҳа иӡырылгеит "2020 шықәсазтәи Аԥсны Акультуреи аҭоурых-культуратә ҭынха ахьчареи рминистрра ауснагӡатәқәа рыплан".
Акурортқәеи атуризми рминистрра Аинформациала аиқәыршәареи ахыԥшатә политикеи рзы аҟәша аиҳабы Саид Аршба арадио Sputnik аефир аҟны еиҭеиҳәеит сынтәа ԥсшьара ҳәа ҳтәылахь иааз рхыԥхьаӡара ахьынӡанаӡо.
Жәларбжьаратәи аинтеллектуалтә клуб "Диалог" хықәкыс иамоуп акультуратә проектқәа рылацәажәара ахьалыршахо аҭыԥ аԥҵара. Иара еиҿкаауп Аԥсны иҟоу Россотрудничество ахаҭарнакраҿы, 2019 шықәса ԥхынгәымзазы.
Адәныҟатәи аусқәа рминистрраҟны иаԥҵахо акомиссиа аусурахь иаҵанакуеит 1992-1993 шш. рзтәи Аԥсны Аџьынџьтәылатә еибашьраан хабарда ибжьаӡыз рганахьала аинформациа аизгареи анализ азуреи.
