Аԥсны ақалақьқәеи араионқәеи рҟынтәи 150-ҩык инарзынаԥшуа аспортсменцәа рхы аладырхәраны иҟоуп абокс азы Очамчыра имҩаԥысуа Ареспубликатә турнир.
Ашколтә спартакиадеи, арратә ҽазыҟаҵареи ахәыҷқәа арратә маҵзура иаднаԥхьалоит, иҳәеит арадио Sputnik астудиаҟны Аԥсны аҵара министрра абҩарҵәыреи аспорти аҟәша аиҳабы Аслан Ҭаркьыл.
Аиҭакзаара ашьақәыргыларазы азакәан украинатәи аруаа рхымҩаԥгашьеи рыцәгьоурақәеи ахара рыхнахуеит, Украина азакәанқәеи аконституциеи аилагара азин рнаҭоит ҳәа азиԥхьаӡоит Донецктәи Жәлар рреспублика Ахада Александр Захарченко.
Александр Чачба ихьӡ зху Аҟәатәи асахьаҭыхратә ҵараиурҭа 50 шықәса ахыҵуеит.
Жәабран 22 аҽны 50 шықәса ахыҵуеит Алықьса Чачба ихьӡ зху Аҟәатәи асахьаҭыхратә ҵараиурҭа. Sputnik арадиостудиаҟны аскульптор, аҵараиурҭа аиҳабы Амиран Адлеиба дазааҭгылеит асахьаҭыхратә ҵараиурҭа иамоу аихьӡарақәеи, апроблемақәеи.
Акерлингист Крушельницки иҿы иқәшаҳаҭхеит адопингҿагыларатә ԥҟарақәа шеилеигаз азы, мапгьы ацәикит Аспорт азы Абжьаҟазаратә ӡбарҭаҿ (CAS) иус алацәажәарахь анеира.
Кәтол ақыҭан ииз, аԥсуа шәҟәыҩҩы Мушьни Миқаиа иахьа 86 шықәса ихыҵуеит. Аҟаза ду дызҭагыло аамҭа анаҩсангьы, ԥхьаҟатәи аԥсҭазаара даԥшны иаԥиҵоит иҩымҭақәа. Ус ианыҟамла, апоет, ма апрозаик иҩымҭақәа иара даныҟам иаархашҭыр ауеит.
Лаҭа ақыҭан аверталиот иҭаблыз ргәалашәара аҳаҭыраз Гәдоуҭа апарк хадаҿы иргылахоит ауахәама маҷ, уи азы ихацаркуп аԥареизгара, лҳәеит арадио Sputnik астудиаҟны апроект автор Циала Чичба.
Аԥсны Ауаажәларратә палата алахәылацәа алацәажәоит 2019 шықәсазы иазыԥхьагәаҭо аремонттә усурақәа раан, Егрытәи афымцатә станциа аусура аанкылара аамҭазы атәыла аенергосистема аусутә ҭагылазаашьа аманы ишышьақәыргылатәу атәы.
Аспорттә аиндаҭлареи аиқәԥаратә ҟазареи рзы VIII иаарту афестиваль "Кубок Равноапостольного Николая Японского" иалахәын 500-ҩык рҟынӡа аспортсменцәа Урыстәылеи, Аԥсни, Донецктәи Жәлар рреспубликеи рҟынтәи.
Арадио Sputnik Аԥсны апроект "Агәалашәара амҩала" захьӡу аҿы Аԥсны Аџьынџьтәылатә еибашьра ахроника шәыдаагалоит, иара хацыркуп нанҳәа 14 2017 шықәса инаркны.
2018 шықәсазы Стенин ихьӡ зху аиндаҭлара аԥхьахә заҭәашьахо ироуа аԥара х-миллионк инаӡеит.