Авыл хуҗалыгы исәбен алуга 10 көн калды
Бөтенроссия авыл хуҗалыгы исәбен алуга ун көнләп вакыт калды. Бу атнадан ук исәп алучылар хуҗалыклар белән якыннан танышырга чыга. Алар өчен Зәйдә эшнең бөтен нечкәлекләренә өйрәтә торган курслар да эшли. 2016 елгы авыл хуҗалыгы исәбен алуга 1030 мең кеше җәлеп ителгән. Республикада - 173, районда 4 инструкторлык участогы ачылган. Махсус өс һәм баш киемнәре кигән, кулына сумка һәм таныклык тоткан исәп алучылар 24-30 июньдә үз участокларындагы шәхси хуҗалыклар, бакчачылык җәмгыятьләре, крестьян-фермерлык хуҗалыклары һәм шәхси эшкуарлар янына барып, танышып, исәп алырга килергә уңайлы көн хакында килешеп чыгачак. Өйдә, эш урынында булмаган хуҗаларга хатлар калдырылачак.