Бүген Татарстанда яңгыр һәм +16 градуска кадәр җылы булуы көтелә
Дүшәмбе, 20 апрельдә, Татарстанда болытлы һава торышы көтелә, дип хәбәр иттеләр ТР Гидрометеорология һәм әйләнә-тирә мохитне күзәтү идарәсендә. Яңгыр явачак, көнбатыш районнарда урыны белән көчле яңгыр көтелә. Төнлә һәм иртән томан төшүе ихтимал.
Төнлә минималь температура +3..+8 градус тәшкил итте. Көндез температура +7..+13 градуска, көнчыгыш районнарда урыны белән +16 градуска кадәр күтәреләчәк.
Казанда шулай ук болытлы һава торышы һәм яңгыр көтелә. Көндез республика башкаласында максималь температура +9..+11 градус тәшкил итәчәк.