Алабуга районында ярты ел эчендә 1431 тонна ит җитештерелгән
Ярты ел эчендә Алабуга районында 1431 тонна ит җитештерелгән, бу узган елның шул ук чорына караганда 159 тоннага күбрәк. Бу хакта «Алабуга нуры» газетасы яза.
Иң югары үсеш күрсәткечләренә «Мир», Әхмәтҗанов КФХ һәм «АФ «Яңа Юраш» җәмгыяте ирешкән (191—109 процент).
Район буенча мөгезле эре терлекләрнең уртача тәүлеклек артымы 835 гр тәшкил итә, ә «Мир» җәмгыятендә — килограммнан арткан, диелә хәбәрдә.