Татарстан Рәисе Рөстәм Миңнеханов үзенең Telegram-каналында үзәк республика өмәсенә (Казанда ул Нокса урманында узды) кушылган һәркемгә рәхмәт белдерде.
«Шимбә өмәсенә кушылган һәркемгә рәхмәт!» - дип язган республика җитәкчесе һәм аның матбугат хезмәте төшергән фотоларны урнаштырган.
Шимбә өмәсендә катнашучыларга мөрәҗәгать итеп, Миңнеханов Татарстанның табигый ресурслары торышын күзәтеп торырга чакырды.
Нокса урманындагы өмә квест форматында оештырылган иде. Командалар чүп җыеп, аны фракцияләргә бүлеп, баллар тупладылар. Моннан тыш, интерактивлар, мастер-класслар, спорт эстафеталары, иҗади конкурслар, концерт программасы һәм кыр кухнясы эшләде.
