Уфадан 11 сыйныф укучысы Вадим Харисов Менделеевскида химия һәм химия технологиясеннән «Менделеев токымнары» бөтенроссия олимпиадасында абсолют җиңүче булды.
Вадим иң күп балл - мөмкин булган 100 баллдан 85 балл җыйган. Аңа 17 яшь, ул төрле олимпиадаларда даими катнашучы, республика инженер лицей-интернатында укучы - Башкортстан Республикасының авыл районнарыннан һәм күрше төбәкләрдән балалар белем ала торган инновацион уку йорты.
Видеоконференцэлемтә буенча җиңүче исемен танылган бизнесмен, олимпиада попечителе Роман Троценко игълан итте. Укучыга абсолют җиңүче сынын һәм 100 мең сум тапшырдылар.
Фото: ТР Менделеевск районы матбугат хезмәтеннән
«Менделеев токымнары» олимпиадасына Россиянең 36 төбәгеннән 723 катнашучы гариза бирде. 60 укучы теоретик һәм эксперименталь турлар сынауларын үтте. Аларның нәтиҗәләре буенча 11 сыйныф арасында ике җиңүче билгеләнде, 9нчы һәм 10нчы сыйныфлардан берәр җиңүче, ә тагын 10 кеше олимпиада призерлары булды.
Җиңүчеләр һәм призерлар цифрлы техника кибетенә 100 мең һәм 30 мең сумга акчалата сертификат алды. Шундый ук бүләкләүләрне балаларның остазлары алды. Бүләк фонды суммасы 1,5 млн сум тәшкил итте.
Моннан тыш, Казан федераль университеты ярдәм кысаларында югары уку йортына кергәндә өстәмә баллар да өстәячәк: җиңүчеләргә – 5 балл һәм призерларга – 3 балл.
«Олимпиадада катнашучыларның 35 проценты биремнең 70 процентын дөрес үтәгән. Эксперименталь тур өчен мөмкин булган 25 баллдан барлык катнашучылар уртача 20 балл җыйган. Бу безнең илнең иң көчле яшь химикларын җыюыбыз турында сөйли», - дип билгеләп үтте Менделеевск районы башлыгы Радмир Беляев.
Олимпиада, республиканың сәнәгать предприятиеләренә кадрлар җәлеп итү максатыннан Татарстан Рәисе Рөстәм Миңнеханов кушуы буенча шәһәр төзүче предприятие белән партнерлыкта оештырылды.
«Олимпиада Фәнни-технологик үсеш елында беренче тапкыр үткәрелде, бу символик булып тора», - дип сөйләделәр «Татар-информ»га Татарстанның Менделеевск районы матбугат хезмәтендә.
Фото: ТР Менделеевск районы матбугат хезмәтеннән
