Саба шашкачылары Владивостокта Россия чемпионатында призер булды
Владивостокта физик мөмкинлекләре чикле спортчылар арасында шахмат-шашка буенча Россия чемпионаты узды. Анда Татарстан командасы да катнашты. Бу хакта «Саба таңнары» сайтында хәбәр ителә.
Сабадан Азат Әхмәтов, Хәмит Вәгыйзов, Балтачтан Чулпан Габделганиева составындагы Татарстан командасы өченче призлы урынны алып кайтты.
Азат Әхмәтов шулай ук чемпионат кысаларында узган вакытка тиз уйнала торган шашка – 100 турнирында да 3нче урынны яулады.