Безнең алты предприятие иң эреләр исемлегендә
Forbes журналы ел саен Россиянең иң эре компанияләре рейтингын төзи. Татарстаннан алты предприятие топ-200 эчендә.
Болар дүрт нефть һәм ике автомобиль компанияләре. Иң югары урында (сигезенче) «Татнефть» компаниясе. Аның артыннан «Түбән Кама нефтехим» бара, ул 43 нче урында, «ТАИФ-НК» 47 нче урынны били.
«КамАЗ» 60 нчы урында тора, Чаллының тагын бер компаниясе «Транстехсервис» 108 нче позицияне били. «Казаноргсинтез» исә Татарстан компанияләре рейтингын йомгаклый - ул 117 нче урында.