Кызны үтергән, берничә көннән соң тәрәзәдән ыргыткан
25 яшьлек егет 24 яшьлек бер кыз белән таныша һәм аны өенә кунакка чакыра.
Фатирда алар арасында җәнҗал чыга. Егет кызны буып үтерә дә өйдән чыгып китә. Ә берничә көннән соң әйләнеп кайткач, мәетнең башына пакет кидереп тәрәзәдән ыргыта.
Полиция Казанда яшәүче егетне яңа танышкан кызны үтерүдә гаепле дип тоткарлады. Хәзер егет сак астында. Тикшерү бара. Үтерү маддәсе буенча җинаять эше кузгатылган.