Баррасии рӯйдодҳои Хоруғ ва Рӯшон дар Порлумони Аврупо
Узви Комисюни Аврупо Вирҷиниюс Синкевичюс гузориш дод, ки мақомоти Тоҷикистон дар муқобили тазоҳуркунандагон аз силоҳ истифода карданд, ки дар натиҷа даҳҳо нафар куштаву захмӣ шуданд. Вай ҳамчунин ба ҳабси садҳо нафар ва саркӯби матбуот ишора намуд.
Синкевичюс ҳамзамон гуфт, ки сафирони се кишвари Аврупо бо шуруи ҳодисаҳо дар ВМКБ дар моҳи май дар эъломияе нигаронии худро аз вазъ дар ин минтақа баён доштанд. Аммо ӯ пешниҳод намуд, бояд ба ҳукумати Тоҷикистон расонда шавад, ки ниҳодҳои интизомияш тибқи асли волоияти қонун амал намоянд ва ба фишору саркӯб хотима диҳанд.
Узви Комисюни Аврупо эълом дошт, ки вазъият дар ВМКБ ва куллан Тоҷикистонро бо диққати тамом пайгирӣ мекунанд ва хостори таҳқиқи байнулмилалӣ ва мустқилонаи ин руйдодҳо буда, нигарониҳои худро дар машваратҳои сиёсӣ бо ҳукумати Тоҷикистон дар моҳи сентябр иброз хоҳанд дошт.
Дар ҷаласаи Порлумони Аврупо қарор шуд, раъйдиҳӣ дар масъалаи қатъномааш роҷеъ ба вазъ дар ВМКБ 7 июл баргузор гардад.