СЈО тврди дека Керим е недостапен за случајот МПМ, тој од Хрватска негира

СЈО тврди дека поранешните први луѓе на Медиа принт Македонија, и косопственици на сега веќе згаснатите весници Вест, Дневник и Утрински, Срѓан Керим и Јана Станисављева, веќе два месеци се недостапни за обвинителството. Од ова обвинителство велат дека нивните обиди да им достават покани за распит за предистражната постапка која ја водат за стечајот на МПМ биле неуспешни.


Во изјава за неколку медиуми, Срѓан Керим го негира тоа и вели дека е во Хрватска, во Опатија каде има негов стан и дека е постојано достапен за Специјалните обвинители.


Двајцата поранешни сопственци на весниците Дневник, Вест и Утрински,  Керим и Станисављева, се сомничат за лажен стечај, за злоупотреби на средства на доверители во износ од неколку милиони евра, како и за злоупотреба на службената положба.


Случајот го отвори Основното јавно обвинителство, по пријава на синдикатот, а потоа надлежноста за случајот ја презеде СЈО.