Мурат Раматов Жети-Өгүз районунун акими болуп дайындалды
Жаңы акимди 21-декабрда Жети-Өгүз районунун активине өкмөттүн Ысык-Көл облусундагы өкүлү Акылбек Осмоналиев тааныштырды.
2014-жылдан бери бул кызматты Калысбек Жүдеев аркалап келген. Ал облус башчысынын сунуштамасы менен иштен кеткен.
45 жаштагы Мурат Раматов Каракол шаарында төрөлгөн. Ал 2014-2016-жылдары Жети-Өгүз районунун акиминин орун басары болуп иштеген. 2017-жылдан ушул убакыта чейин Барскоон айыл аймагынын депутаты болуп турган. (AsM)