Унгарскиот претседател Јанош Адер го потпиша контроверзниот закон за реформа на трудот и покрај протестите на синдикатите и опозицијата. Адер во соопштението наведува дека овој закон не бил во спротивност со Уставот. Со овој закон се удвојува прекувремената работа на 400 часа, додека плаќањето за нив може да биде одложено до три години. Претседателот Адер кој е близок со премиерот Виктор Орбан оцени дека одредбите на законот се слични со оние што ги имаат другите земји членки на Европската унија. За вечер во Будимпешта се најавени нови протести против, како што го нарекуваат, „ропскиот закон“.
